عالمی شہرت یافتہ سماجی کارکن مرحوم عبدالستار ایدھی کی زوجہ بلقیس ایدھی پاکستان یونین ناروے کی دعوت پر اوسلو کا دورہ کریں گی۔ ایک بیان میں کہاگیاہے کہ چوہدری قمراقبال کی سربراہی میں قائم ناروے میں پاکستانی کمیونٹی کی بڑی تنظیم پاکستان یونین ناروے اپنی سابقہ روایت کے مطابق, پاکستان کی 70 سالہ یوم آزادی کی تقریب 19 اگست کو منعقد کرے گی۔ اس تقریب کا ایک بڑا اعزاز یہ ہے کہ اس میں انسانی خدمت کے مینار مرحوم عبدالستار ایدھی کی زوجہ محترمہ بلقیس ایدھی اور صاحبزادے فیصل ایدھی خصوصی شرکت کے لیے اوسلو تشریف لا رہے ہیں۔
